Մեսրոպ Մաշտոցի անվան համալսարանին կից
բազային քոլեջ
Մեսրոպ Մաշտոցի անվան համալսարանին կից բազային քոլեջի ընդունելությունը կատարվում է հիմնական ընդհանուր կրթության հիմքով (9-ի բազայով)` մրցույթային կարգով / բացառությամբ «Դիզայն» , «Հագուստի մոդելավորում և նախագծում» մասնագիտություններից։
« Դիզայն» , «Հագուստի մոդելավորում և նախագծում» մասնագիտությունների դիմորդների ընդունելությունը կատարվում է «Գծանկար» առարկայից` ներբուհական քննությունների արդյունքների հիման վրա:
Ընդունվում են քննական առարկաներից հանրագումարային առավելագույն միավոր ունեցող դիմորդները։
Քոլեջը իրականացնում է միջին մասնագիտական կրթական ծրագրով առկա ուսուցմամբ վճարովի տեղերին համապատասխան ընդունելություն։
Կից ներկայացնում ենք ՄԻՋԻՆ ՄԱՍՆԱԳԻՏԱԿԱՆ ԾՐԱԳՐԵՐԸ , որտեղ կարող եք ծանոթանալ մասնագիտություններին և վարձաչափերին։
Դիմորդը Քոլեջ ընդունվելու համար կարող է դիմել մեկ մասնագիտության հայտագրմամբ:
Մեսրոպ Մաշտոցի անվան համալսարանին կից քոլեջի 2024-2025 ուս․ տարվա անհրաժեշտ փաստաթղթերը պետք է ներկայացնել մինչև ս․ թ․ օգոստոսի 25-ը ՝ բացառությամբ «Դիզայն» և «Հագուստի մոդելավորում և նախագծում» մասնագիտությունների։
Անհրաժեշտ փաստաթղթեր
Դիմորդը Քոլեջ ընդունող հանձնաժողովին անձամբ, անչափահաս լինելու դեպքում օրինական ներկայացուցչի (ծնողի, որդեգրողի կամ հոգաբարձուի) հետ ներկայացնում է`
ա․ դիմում,
բ․ 4 լուսանկար (3×4 չափսի),
գ․ կրթության մասին փաստաթղթի բնագիրը կամ պատճենը,
դ․ անձը հաստատող փաստաթուղթ (անձնագիր կամ ծննդյան վկայական՝ մինչև 16 տարեկան դիմորդի համար, զինվորական գրքույկ (առկայության դեպքում ), ՀՀ կառավարությանն առընթեր ՀՀ ոստիկանության բաժինների կողմից տրվող անձը հաստատող ժամանակավոր փաստաթուղթ, կացության վկայական, փախստականի վկայական),
ե․ կցագրման վկայական (զորակոչային տարիք ունեցող դիմորդից ընդունվում են զինհաշվառման փաստաթղթերում տարկետման իրավունք տրվող համապատասխան նշումի կամ չզորակոչվելու պատճառը հաստատող այլ նշումների առկայության դեպքում, իսկ նախկինում առողջության պատճառով տարկետում ունեցողներից՝ Հանրապետական զորակոչային հանձնաժողովի նշումների առկայության դեպքում),
զ․ միջազգային և հանրապետական մրցույթների (օլիմպիադաներ, փառատոներ) դիպլոմները (առկայության դեպքում)։
Ուշադրությո՛ւն
Բազային քոլեջի շրջանավարտներին հնարավորություն կտրվի ուսումը շարունակելու Մեսրոպ Մաշտոցի անվան համալսարանի 2-րդ կուրսում (առկա և հեռակա ուսուցմամբ):