Իրադարձություններ – Երևանի Մեսրոպ Մաշտոցի անվան համալսարան

Այսօր Մ. Մաշտոցի անվան համալսարանի իրավագիտության և տնտեսագիտության մասնագիտությունների ուսանողները այցելեցին Հայաստանի Կենտրոնական բանկ։
Այցի շրջանակում նրանք ունեցան տեղեկատվական շրջայց, ծանոթացան հայկական դրամի ստեղծման և զարգացման պատմությանը, ինչպես նաև Կենտրոնական բանկի կառուցվածքին ու հիմնական գործառույթներին։
Շրջայցը նպաստեց ուսանողների մասնագիտական գիտելիքների խորացմանը և ֆինանսական համակարգի գործունեության վերաբերյալ պատկերացումների ընդլայնմանը։
Համալսարանը շնորհակալություն է հայտնում Հայաստանի Կենտրոնական բանկին բովանդակալից և ուսուցողական հանդիպման համար։

Մեսրոպ Մաշտոցի անվան համալսարանին կից բազային քոլեջի Դիզայն մասնագիտության երկրորդ կուրսի ուսանող Աբրահամյան Հայկը ճանաչվել է 2024-2025 ուստարվա լավագույն ուսանող ՝ ցուցաբերելով բարձր առաջադիմություն, ստեղծագործական մոտեցում և ակտիվ մասնակցություն ուսումնական գործընթացին։

Նրա նվիրումը և տաղանդը գնահատվեցին քոլեջի կողմից՝ Հայկին շնորհվեց պատվոգիր, ինչպես նաև 20% ուսման զեղչ (նախնական 10%-ին ավելացվեց ևս 10%)։ Շնորհավորում ենք Հայկին և մաղթում նորանոր հաջողություններ, ստեղծագործական վերելքներ ու շարունակական աճ դիզայնի աշխարհում։

Ուսուցչի տոն՝ երախտագիտությամբ ու ժպիտներով

Երեկ Մեսրոպ Մաշտոցի անվան համալսարանին կից բազային քոլեջում տիրում էր տոնական և ջերմ մթնոլորտ։ Ուսանողական խորհուրդը կազմակերպել էր գեղեցիկ միջոցառում՝ նվիրված ուսուցչի տոնին։

Միջոցառման ընթացքում ուսանողներից մեկը, Կարաբալայի կերպարով, առանձնահատուկ գունեղությամբ ու հումորով դասախոսական կազմին հանձնեց ծաղիկներ՝ որպես շնորհակալության և հարգանքի խորհրդանիշ։

Այսօր ևս մեկ անգամ համոզվեցինք, որ ուսուցիչ լինելը պարզապես մասնագիտություն չէ, այլ առաքելություն՝ սեր, նվիրվածություն և հավատ սերունդների ուժի նկատմամբ։

Շնորհավոր տոնդ, սիրելի ուսուցիչ։

Մ․ Մաշտոցի անվան համալսարանին կից բազային քոլեջի Դիզայն մասնագիտության ուսանողները իրենց խորհրդատու Ա․ Խաչատրյանի ուղեկցությամբ այցելեցին Երևանի ժամանակակից արվեստի թանգարան, որտեղ ուսումնասիրեցին արվեստի տարբեր ճյուղերին վերաբերող գործեր , եղան նաև թանգարանին կից գործող ճապոնական արվեստին վերաբերող պատկերասրահում և տարբերակելով, համադրելով, զանազանելով ՝ ուսանեցին և ընկալեցին արվեստի տարբեր շերտերի նրբություններն ու գունային զանազանությամբ աչքի ընկնող գլուխգործոցները։

Մեսրոպ Մաշտոցի անվան համալսարանին կից բազային քոլեջում կազմակերպվեց տոնական միջոցառում՝ նվիրված Հայաստանի Հանրապետության Անկախության օրվան։ Միջոցառման ընթացքում ուսանողները և դասախոսները միասին կարևորեցին մեր անկախ պետականության արժեքը՝ որպես ազատ և արժանապատիվ կյանքի հիմնասյուն։

Բեմում հնչեցին հայրենասիրական երգեր ու բանաստեղծություններ, ներկայացվեցին պատմական դրվագներ՝ հիշեցնելով անկախության ճանապարհի դժվարությունները և հաղթանակները։ Երիտասարդները մեկ անգամ ևս ընդգծեցին այն գաղափարը, որ անկախությունը ոչ միայն պատմական ձեռքբերում է, այլև ամենօրյա պատասխանատվություն։

Միջոցառման գլխավոր ուղերձը դարձավ կոչը՝ ապրել և ստեղծագործել մեր անկախ հայրենիքում, պահպանել ու զորացնել այն՝ հանուն ապագա սերունդների։

Երեկ անցկացվեց հերթական ինտերակտիվ հանդիպումը «Քննչական, այդ թվում գաղտնի քննչական գործողությունների կատարման ընդհանուր կանոնները» թեմայով:

Հանդիպման խոսնակն էր Փորձաքննությունների Ազգային բյուրոյի իրավաբանական բաժնի իրավախորհրդատու Բ. Գրիգորյանը:

Շնորհակալ ենք բովանդակալից դասընթացի համար:

Օրերս մեր համալսարանականները մասնակցեցին ՀՀ փաստաբանների պալատի դահլիճում տեղի ունեցած կոնֆերանսին՝ «Հոգեբանության ժամանակակից մոտեցումները փաստաբանական գործունեության ոլորտում» խորագրով:

Կոնֆերանսի կազմակերպիչների ցանկում նաև համալսարանի գործընկեր «Ժեստ» հոգեբանական կենտրոնն է ։ Մասնակիցները ստացան հավաստագրեր:

Համալսարանի ղեկավարությունը շնորհակալություն է հայտնում գործընկեր «Ժեստ» հոգեբանական կենտրոնի կազմին ՝ նմանօրինակ միջոցառումներ կազմակերպելու և համալսարանի ուսանողներին մասնակից դարձնելու համար:

Օրերս հյուրընկալվել էինք Արմավիրի պետական տարածաշրջանային քոլեջ:

Լիլիթ Միրզախանյանը քոլեջի ուսանողներին ներկայացրեց Մեսրոպ Մաշտոցի անվան համալսարանը, ֆակուլտետները, բազային քոլեջից համալսարան ընդունելության կարգը:

Հանդիպման վերջում Լիլիթ Միրզախանյանը պատասխանեց ուսանողներին հետաքրքրող հարցերին:

Շնորհակալ ենք ՝ հյուրընկալելու համար:

Մեր գործընկերների հետ հանդիպումների շարքը շարունակական է։

Այս անգամ համալսարանի հյուրընկալ հարկի տակ էին «ՔԱՐԴ ԱգրոԿրեդիտ» ՈՒՎԿ ՓԲԸ -ի ներկայացուցիչները։

Գործատու-ուսանող համագործակցությունների շրջանակներում ուսանողները ծանոթացան ընկերության պատմությանը, ընթացիկ աշխատանքներին, ակտիվ քննարկում անցկացրին ՝ հարց ու պատասխանի միջոցով։

Կրկին կիսվում ենք հրաշալի նորությամբ։

Այսօր տեղի ունեցավ հերթական հանդիպումը մեր գործընկեր « ՇԵԼԲԻ ՏՈՒՐ»ՍՊԸ -ի հետ։

Գործատու- ուսանող համագործակցությունների շրջանակներում ուսանողները ստացան համապարփակ տեղեկատվություն ոլորտին առնչվող թեմաների շուրջ, ինչպես նաև մասնակից ուսանողներից երեքը հնարավորություն ստացան իրենց փորձուսուցումն անցնել «ՇԵԼԲԻ ՏՈՒՐ»-ում:

Գործատու – ուսանող համագործակցություների շրջանակներում երեկ հյուրընկալել էինք մեր նոր գործընկեր ՝ «Նովա Քլաբ» ՍՊԸ -ին, ովքեր մեր ուսանողներին պատմեցին ընկերության գործունեության , կրթական ծրագրերի և արտասահմանում ուսանելու հնարավորությունների մասին:

Շնորհակալ ենք համագործակցության համար:

Օրերս համալսարանի «Հաշվապահական հաշվառում և աուդիտ» բաժնի ուսանողները հերթական այցով Փորձաքննությունների Ազգային բյուրոյում էին:

Այս անգամ մասնակցեցին տնտեսագիտական, հաշվապահական փորձաքննությունների բաժնի փորձագետ Լիա Մակյանի դասախոսությանը, բարձրացրին իրենց հուզող հարցերը, ստացան պատասխաններ և ծանոթացան տարածքին:

Շնորհակալ ենք մշտական համագործակցության համար:

Սիրով տեղեկացնում ենք, որ սկսում ենք հանդիպումների նոր շարք տարբեր հասարակական կազմակերպությունների հետ, որոնք համագործակցում և իրականացնում են Erasmus + փոխանակման ծրագրեր արտասահմանում՝ մասնավորապես Եվրոպայում։
Առաջին միջազգային կազմակերպությունը, որին հյուրընկալեցինք այսօր International Centre for Youth Empowerment and Cooperation -ն էր։ Հիմնադիր Իզաբելլան ներկայացրեց կազմակերպության պատմությունը, ծավալած գործունեությունը, պատմեց ծրագրերի, դիմելու կարգի և ունեցած փորձի մասին։
Շնորհակալ ենք հրավերն ընդունելու և հանդիպման համար։

Այս օրերին Մեսրոպ Մաշտոցի անվան համալսարանը մասնակցում է «Կրթություն և կարիերա expo 2024» ցուցահանդեսին:

Կարևորելով ոչ միայն նեղ մասնագիտական գիտելիքներ փոխանցելը, այլև գիտակից քաղաքացի ձևավորելն ու կապը հոգևոր աշխարհի հետ, սիրով հայտարարում ենք մեր հերթական և շատ կարևոր ձեքբերման մասին:

Այսուհետ մեր ուսանողները հնարավորություն կունենան մասնակցելու Տ. Նաթան արքեպիսկոպոս Հովհաննիսյանի հետ հանդիպումներին:

Նշենք, որ առաջին հանդիպումով մեկնարկը տրված է:

Երեկ ուսանողները զրուցեցին Տ. Նաթան արքեպիսկոպոս Հովհաննիսյանի հետ, ունեցան շրջայց և իհարկե ուղղեցին իրենց հարցերը:

Շնորհակալ ենք հյուրընկալելու համար:

Կարեն Դեմիրճյանի անվան մարզահամերգային համալիրում ապրիլի 10–12-ը տեղի ունեցավ Կրթություն և կարիերա EXPO 2024 23-րդ կրթության միջազգային մասնագիտացված ցուցահանդես, որին մասնակցում էին Մեսրոպ Մաշտոցի անվան համալսարանը և համալսարանին կից բազային քոլեջը։ Ցուցահանդեսի հիմնական նպատակն էր դպրոցականներին և ուսանողներին տրամադրել տեղեկություն ժամանակակից կրթության վերաբերյալ , նպաստել ուսումնական հաստատությունների և ձեռնարկությունների միջև գործնական հարաբերությունների կայացմանը, տեղեկացնել շուկայում առավել պահանջվող մասնագիտությունների մասին։ Համալսարանը ցուցահանդեսին ներկայացել էր նոր ձևաչափով։Մենք վստահ ենք , որ լավ կրթությունը հաջող կարիերայի ցատկահարթակ է և, հետևաբար, ևս մեկ քայլ դեպի ապագա:

Հայաստանում ԱՄՆ դեպանատան կողմից կազմակերպված English language programs (The world is your classroom) սեմինարին մասնակցեցին Մեսրոպ Մաշտոցի անվան համալսարանի և համալսարանին կից բազային քոլեջի ուսումնական գծով պրոռեկտորը, քոլեջի տնօրենը․ փոխտնօրենը և դասախոսները։ Սեմինարի ավարտին մասնակիցներին տրվեց վկայագրեր։

Աշխատանքի շուկա -2024

Սիրով հրավիրում ենք բոլորիդ՝ մասնակցելու Աշխատանքի շուկա -2024-ին, որտեղ տասնյակ ընկերություններ կներկայացնեն իրենց թափուր հաստիքները, առավելությունները, ինչպես նաև հնարավորություն կլինի տեղում մասնակցելու աշխատանքի ընդունման հարցազրույցի:

Օր՝ 20/06/24

Ժամ՝ 11:00-13:00

Վայր՝ Մ. Մաշտոցի անվան համալսարան

Հասցե՝ Հերացի 2/1