Այսօր Մ․ Մաշտոցի անվան համալսարանին կից բազային քոլեջի «Դիզայն» մասնագիտության 2-րդ կուրսի ուսանողները` դասախոս Սարգիս Հարությունյանի ղեկավարությամբ, ներկայացրին նախագծային աշխատանք՝ այս անգամ «Տեքստիլ դիզայն» դասընթացի շրջանակներում։Ուսանողները բաժանվել էին խմբերի, և յուրաքանչյուր խումբ իր ստեղծագործական գաղափարը ձևավորել էր հայկական դիցաբանության թեմատիկայի շուրջ։ Աշխատանքներում ոգեշնչման աղբյուր էին դարձել հայկական դիցաբանության աստվածներն ու առասպելական կերպարները, որոնց խորհրդանշական իմաստը արտահայտված էր ժամանակակից տեքստիլ լուծումներով։
Նախագծային աշխատանքները աչքի էին ընկնում ինքնատիպությամբ, ստեղծագործական մոտեցմամբ և թեմայի խորքային ուսումնասիրությամբ՝ ընդգծելով ուսանողների հետաքրքրությունը դասընթացի և աշխատանքի նկատմամբ։